എന്റെ പ്രീയപ്പെട്ട മലയാളി അനിയത്തിമാരേ,നിങ്ങൾക്ക് എന്താണ് സംഭവിച്ചത്..? കയ്യിൽ സ്മാർട്ട് ഫോണുമായി നിങ്ങളുടെ കാമുകൻ എന്ന് പറയുന്ന ആ എരപ്പാളി നഗ്നത പകർത്തുന്നത് നിങ്ങൾ കാണുന്നില്ലേ..? കൊച്ചുകുട്ടികളായ നിങ്ങൾ എവിടുന്നു പഠിച്ചു ഈ പാശ്ചാത്യമുറകൾ! . രഹസ്യഭാഗത്തെ മറുക് പോലും ലോകത്തിന് മുന്നിൽ തുറന്നുകാണിക്കാൻ എങ്ങനെ സാധിക്കുന്നു..? നിങ്ങൾക്ക് അച്ഛനും അമ്മയുമില്ലേ...? സമൂഹത്തിൽ ഇടപഴകുന്ന ചേട്ടനോ,അനിയനോ ഇല്ലേ?. കൂട്ടുകാരില്ലേ...? ഭാവിയെക്കുറിച്ച് ഒരു വിചാരവുമില്ലേ നിങ്ങൾക്ക്...? ആലോചിച്ചിട്ട് എവിടേയും എത്തുന്നില്ല.ഒന്ന് ഓർക്കുന്നത് നല്ലതാണ്.ഒരു യഥാർത്ഥ കാമുകൻ കാമത്തോട് കൂടിമാത്രം നിങ്ങളെ ഒരിക്കലും സമീപിക്കില്ല,അങ ്ങനെ ആണെങ്കിൽ തന്നെയും അവൻ അത് ക്യാമറയിൽ പകർത്തുകയുമില്ല. "അമ്മ"എന്ന അതിമനോഹരമായ അനുഭവം നിങ്ങളെ കാത്തിരിക്കുന്നുണ്ട്, അവിടേക്ക് എത്തും മുൻപേ പോകല്ലേ..സ്നേഹത്തോടെ/ സ്നേഹം അഭിനയിച്ച് നിങ്ങളിൽ നിന്നും കവർന്നെടുക്കുന്ന നിങ്ങളുടെ സ്വകാര്യതകൾ നാളെ ചിലപ്പോൾ നിങ്ങളുടെ കുട്ടികൾ വരെ കണ്ടെന്നിരിക്കും...! കുറേയേറെ പറയണമെന്നുണ്ട്, പക്ഷേ എന്ത് പറയാൻ...!എല്ലാവ ർക്കും എല്ലാം അറിയാം... എന്റെ മാന്യതയുടെ അടപ്പ് തെറിക്കും എന്ന് അറിഞ്ഞുകൊണ്ട്തന്നെ ഇങ്ങനെയൊരു കാര്യം പോസ്റ്റിയതിൽ എനിക്കൊരു ഉദ്ദേശമുണ്ട്, ഇത് വായിച്ച് ഒരാളെങ്കിലും രക്ഷപ്പെടണം എന്ന നല്ല ഉദ്ദേശം.