Posts
പിരിവിട്ട് ടൂറിന് പോയിരുന്നൊരു കാലത്ത് കണ്ണും തള്ളി കാഴ്ചകൾ ഒക്കെ കൊണ്ടങ്ങനെ ആനന്ദം കൊണ്ട സമയത്തൊക്കെ കാലിയായ പോക്കറ്റിനേക്കാൾ പ്രേമം ഇവന്മാരുടെയൊക്കെ പ്രെസൻസിനോട് ആയിരുന്നു...നീ ഊട്ടി കണ്ടിട്ടുണ്ടോ എന്ന് ചോദിക്കുമ്പോൾ നമ്മളെക്കാൾ കുറച്ചുകൂടി പ്രായം കൂടിയ നാട്ടിലെ ഗ്യാങ്ങുകൾ ഫോട്ടോയൊക്കെ കാണിച്ചു തരുമ്പോഴും എല്ലാവരുടെയും മനസ്സിൽ തെളിഞ്ഞൊരു പ്ലാൻ ആയിരുന്നു ഈ ചിത്രത്തിൽ കാണുന്ന യാത്രയൊക്കെ.ഇത്രമാത്രം കളിച്ചും രസിച്ചും കച്ചറ കൂടിയും ഇളിഞ്ഞും ആസ്വദിച്ചു പോയ ലൈഫിലെ ഏറ്റവും പ്രിയപ്പെട്ട യാത്രകൾ എല്ലാം തന്നെ ചങ്കുകളുടെ കൂടെ ആയിരുന്നു..പച്ച കളർ ബാക്ക്ഗ്രൗണ്ട് കണ്ടാൽ ഓടിപോയി ഫോട്ടോക്ക് പോസ് ചെയ്യലും ,അവിടെ തന്നെ പത്താളും ഒരു പൊസിഷനിൽ ഫോട്ടോക്ക് നിൽക്കലും ,512 എംപിയുടെ കാർഡ് ഫുൾ ആകും വരെ ഫോട്ടോ എടുത്ത കാലത്തും ,പള്ള പൈച്ചാൽ അട്ടം നോക്കി നിന്നപ്പോഴും കൂടെ ഇവന്മാരൊക്കെയെ ഉണ്ടായിരുന്നുള്ളൂ...ഞായറാഴ്ച കോഴിക്കോട് ബീച്ചിൽ കറങ്ങാനും,ക്ലബ്ബിൽ എങ്ങുമെത്താത്ത ഭാവി ബിസിനസ്സ് പ്ലാൻ ചെയ്യാനും,സ്വന്തം പ്ളേറ്റിലെ ചിക്കൻ പീസിനെക്കാൾ കൂടുതൽ അടുത്തുള്ളൊന്റെ നുള്ളി പറിക്കാനും ,പെരുന്നാളിനെടുത്ത ഷർട്ട് എത്ര രസമുണ്ടെങ്കിലും നിനക്ക് ലോക ബോർ ആണെന്ന് പറഞ്ഞു ചടപ്പിക്കാനും ,അതെ ഷർട്ട് പിന്നൊരു ഞായറാഴ്ച "കാർന്നോരെ കുടുംബത്തിലെ കല്യാണത്തിനു ഇടാനാ കൊണ്ട ഞാൻ പൊരേല്ക്ക് രാവിലെ വരാ "എന്ന് പറഞ്ഞു വാങ്ങാൻ വരാനും ഇജ്‌ജാതി സൈസ് കുരിപ്പുകളെ ന്റെയൊക്കെ ചങ്കിന്റെ നാലാമത്തെ അറയ്ക്കുള്ളിൽ ബെഡ്ഷീറ്റും വിരിച്ചു കിടപ്പുള്ളൂ..ഒടുക്കം കൂട്ടത്തിലൊരുത്തനെ റബ്ബ് വിളിച്ചപ്പോൾ കെട്ടിപ്പിടിച്ചു പൊട്ടിക്കരഞ്ഞതും ഞങ്ങളൊക്കെ തന്നെയായിരുന്നു...ജീവിതം ഇത്രയൊക്കെ കളറാക്കാനും തകർന്നു പോവുമ്പോൾ "ഇയ്യ്‌ വേജാർ ആവല്ലേ നമുക്ക് ശെരിയാക്കാ "എന്ന് പറഞ്ഞ് തോളിൽ തട്ടാനും റബ്ബ് തന്ന കുറച്ച് മുത്ത് മണികളുണ്ട് എനിക്കീ ദുനിയാവിൽ...ഷിഹാബും ബാവയും നിഷാദും ജസീറും ഷംനാസും ബാസിത്തും സാബിത്തും ഫർഹാനും അങ്ങനെ കുറെ മുത്ത് മണികൾ..ഈ പോസ്റ്റ് കണ്ടാൽ "എടുത്തോണ്ട് പോടാ " എന്ന് പറയുന്ന പഹയന്മാർ..അതൊക്കെ അങ്ങനെയാണ് ഭായ്...ഒരു പ്രേത്യേക തരം മത്ത് പിടിപ്പിക്കുന്ന കുറച്ച് റൂഹുകൾ...നന്പൻസ്.. Shahir Kalathingal Feroke
ഒരിക്കൽ ഹോട്ട്സ്പോട്ടായിരുന്ന ധാരാവി; ഏറ്റവുമൊടുവിൽ 2 രോഗികൾ മാത്രം; ഇവരെങ്ങനെയാണ് കൊറോണയെ തുരത്തിയത് ?? 2531 പേര്‍ക്കായിരുന്നു ധാരാവിയിൽ കൊവിഡ് ബാധിച്ചത്. ഈ പ്രദേശത്ത് ഇപ്പോൾ 113 കേസുകൾ മാത്രമേ സജീവമായിട്ടുള്ളൂ.പുതിയ രോഗികളുടെ എണ്ണം ഇപ്പോൾ രണ്ടും മൂന്നും ഒക്കെയാണ് !!!കൊടുങ്കാറ്റുപോലെ പടർന്ന് ,ലക്ഷങ്ങൾ ചത്തൊടുങ്ങും എന്ന് വിധിയെഴുതിയ ധാരാവിയെ തിരിച്ചുപിടിച്ചത് അർപ്പണബോധത്തോടെയുള്ള അധികൃതരുടെയും ,ആരോഗ്യപ്രവർത്തകരുടെയും മനസ്സറിഞ്ഞുള്ള പ്രവർത്തനമാണ് .ഇടുങ്ങിയ വഴികളും തൊട്ടടുത്ത് വീടുകളുമുള്ള ഇവിടത്തെ ജനങ്ങൾ പൊതുകക്കൂസാണ് ഉപയോഗിക്കുന്നത്. സാമൂഹിക അകലം അസാധ്യമാണെന്ന് തീർത്തു പറഞ്ഞ ഇവിടെയാണ് കൊറോണയ്ക്കെതിരെ ജനങ്ങൾ പ്രതിരോധം തീർത്തത്. ആറര ലക്ഷത്തിലധികം ജനങ്ങൾ തിങ്ങിപ്പാർക്കുന്ന ഇവിടെ നിന്നും ജൂലൈ 22ന് റിപ്പോർട്ട് ചെയ്തത് വെറും അഞ്ച് കേസുകൾ മാത്രമാണ് !!ഇനി എങ്ങിനെയാണ് ഇവരിതിനെ പിടിച്ചുകെട്ടിയത് ???നാലു T കൾ ആണ് ആ സൂത്രം !#ട്രേസിങ് #ട്രാക്കിംഗ്#ടെസ്റ്റിംഗ്#ട്രീറ്റിംഗ് എന്നീ നാലു 'റ്റി' കളാണ് ധാരാവിയെ കൊറോണയിൽ നിന്നും രക്ഷിച്ചത് .ലോകാരോഗ്യ സംഘടന ഉൾപ്പെടെ ലോകം വാഴ്ത്തുകയാണ് ധാരാവിയെ !!നല്ല മാതൃകയ്ക്ക് നല്ല കയ്യടികൾ നൽകാം 👏👏👏👏
കഴിഞ്ഞ ദിവസത്തെ തന്റെ പിച്ചിച്ചി ജൈത്ര-നേട്ടത്തോടെ 67 കൊല്ലം തലയെടുപ്പോടെ സ്പാനിഷ് മണ്ണിൽ അനശ്വരമായി നിന്നിരുന്ന അത്ലറ്റികോ ബിൽബാവോ ഇതിഹാസം ടെൽമോ സാര'യുടെ റെക്കോർഡാണ് ലിയോയുടെ ഇടം കാലുകൾക്ക് മുൻപിൽ കീഴടങ്ങിയത്.സാര 1945, 1946, 1947, 1950, 1951, 1953 വർഷങ്ങളിലായി പടുത്തുയർത്തിയ ആറു കൊല്ലത്തെ അനശ്വരമായ സുവർണനേട്ടം ലിയോ കഴിഞ്ഞ ദിവസത്തെതടക്കം 2010, 2012, 2013, 2017, 2018, 2019, 2020, വർഷങ്ങളിലായി ആശ്ചര്യപ്പെടുത്തുന്ന ഏഴാം തവണയും കൊടുമുടി കയറിയാണ് കീഴടക്കിയത്. The Myth - എന്നാണ് സ്പാനിഷ് പത്രങ്ങൾ ലിയോയെ വിശേഷിപ്പിക്കുന്നത് !! അത് അങ്ങനെയെ കഴിയുകയുള്ളു. കാലം മാറി..കടൽ മാറി...കരകൾ മാറി.. കൂടെയുള്ളവരും മാറി വന്നു... പക്ഷേ ആ ഇടം കാലിലെ കാണാ കാഴ്ചകൾക്ക് മാത്രം ഒരു മാറ്റവുമില്ല. കെട്ടുകഥകളെ പോലും തോൽപ്പിക്കുന്ന മായാജാലക്കാരൻ !!നന്ദി ക്യാപ്റ്റൻ,ക്ലബ്ബിന് വെളിച്ചമായ് നിൽക്കുന്നതിന്, ഉയർച്ചയിലും താഴ്ചയിലും കൂടെ നിൽക്കുന്നതിന്, കൈപിടിച്ചുയർത്തി വഴികാട്ടുന്നതിന്.ആശംസകൾ ലിയോ,ഒരുപാടൊരുപാട് അവിസ്മരണീയ രാത്രികളും ജയങ്ങളും ഞങ്ങൾ കാതോർതിരിക്കട്ടെ ആ കാലുകളിലേക്ക് കണ്ണും നട്ട്.🔵🔴#GodSaveTheKing#Capita#PichiciRecord
മുഹമ്മദ് നബി (സ അ) ഒരിക്കൽ സഹാബികളോട് ചോദിച്ചു നിങ്ങളുടെ കർമങ്ങളിൽ വെച്ച് നല്ലൊരു കർമം ഞാൻ പറഞ്ഞു തരട്ടയോ ? ഉടമസ്ഥനായ രാജാവിന്റെ അടുത്ത് ഏറ്റവും തൃപ്തകരമായ പ്രവർത്തനം എന്താണെന്ന് പറഞ്ഞ് തരട്ടയോ ?നിങ്ങളുടെ സ്ഥാനം നാളെ ഉയർത്തപ്പെടുന്ന ഒരു കർമം ഞാൻ പറഞ്ഞ് തരട്ടെയോ ?സ്വർണവും വെള്ളിയും ദാനം ചെയ്യുന്നതിനെക്കാൾ പുണ്യമായത് ഞാൻ നിങ്ങൾക്ക് പറഞ്ഞ് തരട്ടെയോ ?ശത്രുക്കളുമായി പടപൊരുതി ജീവൻ ബലിയർപ്പിക്കുന്നതിനെക്കാളും പുണ്യകരമായ ഒരു കർമം ഞാൻ നിങ്ങൾക്ക് പറഞ്ഞ് തരട്ടെയോ ?അതെന്താണു നബിയെ ഞങ്ങൾക്ക് പറഞ്ഞ് തരൂ എന്ന് നബിയോട് പറഞ്ഞപ്പോഴാണു ... "ദിക്രുള്ളാഹ്" അള്ളാഹുവിനെ ഓർക്കണെ .മനസ്സു കൊണ്ടും നാവ് കൊണ്ടും അള്ളാഹുവിനെ ഓർക്കണെ എന്ന് പരിശുദ്ധ റസൂലുള്ളാഹ് മറുപടി നൽകി. ഒറ്റക്കിരുന്നു ഇബാദത്ത് ചെയ്യുന്ന സാത്വികരോട് ചോദിക്കപ്പെട്ടു എങ്ങനെയാ നിങ്ങൾക്കിങ്ങനെ ഒറ്റക്കിരുന്നു ദിക്കിർ ചൊല്ലാൻ കഴിയുന്നത് ? മടുക്കുന്നില്ലെ മടുപ്പ് തോന്നുന്നില്ലെ ? അള്ളാഹുവിന്റെ കൂടെ ഇരിക്കുമ്പോൾ ആർക്കെങ്കിലും മടുപ്പ് വരുമോ എന്നവർ മറുപടി തന്നു.അള്ളാഹ്...സുബ്ഹാനള്ളാ...അള്ളാഹു അക്ബർ... ലാ ഇലാഹ ഇല്ലള്ളാ ...അൽഹംദുലില്ലാഹ്... ലാ ഹൗല വലാ കുവ്വത്ത ഇല്ലാ ബില്ലാ എന്ന റബ്ബിന്റെ നാമം ഉച്ചരിക്കുമ്പോൾ എങ്ങനെയാണൂ മടുപ്പ് തോന്നുന്നത് ആലസ്യം ഉണ്ടാകുന്നത്.. അള്ളാഹുവിന്റെ നാമം പറയാത്ത വീടും അള്ളാഹുവിന്റെ നാമം ഉച്ചരിക്കുന്ന വീടും തമ്മിലുള്ള വ്യത്യാസം ജീവിച്ചിരിക്കുന്നതും മരിച്ചതും തമ്മിലുള്ള വ്യത്യാസമാണു എന്ന് നബിയ്യുന റസൂലുള്ളാഹി ( സ അ). ബുഖാരി.ഹസനുൽ ബസരി (റ ) വിനോട് ഒരാൾ ചോദിച്ചു എന്റെ ഹൃദയം വല്ലാത്ത കഠിനമാണു..ഒരു തരത്തിലുള്ള കാരുണ്യവും തോന്നുന്നില്ല എല്ലാരോടും ദേഷ്യം എല്ലാരോടും പക എല്ലാരോടും വെറുപ്പ് ആരോടും കരുണ തോന്നാത്ത ഒരു ഉറച്ച ഹൃദയമാണു എന്റെത് ചികിത്സ ഉണ്ടൊന്ന് ചോദിച്ചപ്പോൾ ആത്മീയ ചികിത്സ നടത്തുന്ന അബൂ സഈദ് ഹസനുൽ ബസരി യോട് ചോദിച്ചപ്പോൾ അദ്ദേഹം പറഞ്ഞു " അദ്ദിബ് ഹൂ മിനദ്ദിക്രി"അള്ളാഹുവിന്റെ നാമം ഉച്ചരിച്ച് ഹൃദയത്തിനു അച്ചടക്കം പഠിപ്പിക്കണം . അള്ളാഹുവിനെ സ്മരിക്കപ്പെട്ടാൽ ഹൃദയം കഠിനമാകില്ല എന്ന് അദ്ദേഹം മറുപടി കൊടുത്തു. നമ്മുടെ നാവിനെ അള്ളാഹുവിനെ സ്തുതിക്കുന്ന നാവായും ഹൃദയത്തെ എപ്പോഴും അള്ളാഹുവിനെ സ്മരിക്കുന്ന ഹൃദയവുമാക്കി അള്ളാഹു മാറ്റി തരട്ടെ.. അവന്റെ നാമം സദാ ഉച്ചരിക്കുന്നവരുടെ കൂട്ടത്തിൽ അവൻ നമ്മയേയും ഉൾപ്പെടുത്തട്ടെ..
12 വർഷത്തിനിടയിൽ 8 തവണ ലാലിഗ കിരീടം ഈ കാണുന്ന ക്യാമ്പ് നൗവിന്റെ തിരുമുറ്റത്ത് എത്തിച്ചിട്ടുണ്ടെങ്കിൽ ഇനിയും എത്തിക്കുക തന്നെ ചെയ്യും..ഒരു സീസണിലെ മോശം ഫോമിന്റെ അടിസ്ഥാനത്തിൽ ഈ ടീമിനെ വിലയിരുത്തി ഒതുക്കാം എന്ന് കരുതുന്നവർ ഒന്നോർക്കുക...ഇതിലും മോശം സീസണുകളിലൂടെയൊക്കെ കടന്നു പോയിട്ടും ശക്തമായി തിരിച്ചു വന്നവരാണ് കറ്റാലൻ പടയുടെ ഈ ടീം....പിഴവുകൾ നികത്തി ശക്തമായി തന്നെ തിരിച്ചുവരും ..ഇത് ബാഴ്‌സ ആണ് ആ പഴയ ഒരു പ്രയോഗം ഉണ്ട് തിരിച്ചെത്തും..❤️😌☺️
ടീച്ചറമ്മെ, ആദ്യമായാണ് നിങ്ങളെ ഇങ്ങനെ സംബോധന ചെയ്യുന്നത്. ഇടത്പക്ഷ രാഷ്ട്രീയത്തെയും നേതാക്കളെയും നിശിതമായി വിമർശിക്കുമ്പോഴും തമ്മിൽ ഭേദം തൊമ്മൻ എന്ന് കരുതി നിങ്ങളോട് സ്നേഹവും ബഹുമാനവും പുലർത്തിയിരുന്നു .പലരും PR വർക്കിൽ അഭിരമിച്ച് ജീവിക്കുന്ന വെറും സോപ്പ് കുമിളയാണ് നിങ്ങള് എന്ന് തെളിവ് സഹിതം വാദിച്ചപ്പൊഴും, ഇൗ പ്ലാറ്റ്ഫോമിൽ ഒരിക്കൽ പോലും നിങ്ങൾക്കെതിരെ എഴുതിയിട്ടില്ല.പക്ഷേ പാലത്തായി വീണ്ടുമൊരു വാളയാർ ആയി നിങ്ങൾ മാറ്റിയല്ലെ?സ്വന്തം മണ്ഡലത്തിലെ ഒരു കുഞ്ഞിന് സംഭവിച്ച് ദുരന്തം, കേസ് എടുത്തെങ്കിലും 90 ദിവസത്തിനടുത്തെത്തിയിട്ടും ജനങ്ങളെ പറ്റിക്കാൻ നിസ്സാര വകുപ്പുകൾ ചുമത്തി ഒരു തട്ടിക്കൂട്ട് കുറ്റപത്രം സമർപ്പിച്ചപ്പോൾ നിങ്ങള് അറിഞ്ഞില്ല. അല്ലെ?ആ കുഞ്ഞു ലൈംഗികാക്രമണത്തിന് ഇരയാക്കപ്പെട്ടു എന്ന് വൈദ്യ പരിശോധനയിലടക്കം വ്യക്തമായിട്ടും പോക്സോ നിയമത്തിലെ ശക്തമായ വകുപ്പുകളൊന്നും കുറ്റപത്രത്തിലില്ല എന്നത് നിങ്ങള് അറിഞ്ഞില്ല. അല്ലെ?താരതമ്യേനെ ദുർബലമായ ജുവനൈൽ ജസ്റ്റീസ് നിയമത്തിലെ വകുപ്പുകൾ പോലീസ് പ്രതിക്ക് മേൽ ചുമത്തിയിരിക്കുന്നതെന്ന് നിങ്ങൾ അറിഞ്ഞില്ലായിരിക്കും. അല്ലെ?90 ദിവസത്തെ റിമാൻഡ് കാലാവധി കഴിഞ്ഞാൽ പ്രതിക്ക് ജാമ്യം ലഭിക്കാനുള്ള സാധ്യത നിങ്ങള് അറിഞ്ഞില്ല. അല്ലെ? ആദ്യം പ്രതിയെ അറസ്റ്റ് ചെയ്യാതെ മനപൂർവ്വം ഒഴിഞ്ഞുമാറിയ പോലീസിനും ആഭ്യന്തര വകുപ്പിനും നേരെ ശക്തമായ പ്രതിഷേധ സമരങ്ങൾ ഉണ്ടായപ്പൊഴും പ്രതി അറസ്റ്റിലായിട്ടുണ്ടാകും എന്നാണ് താൻ കരുതിയിരുന്നത് എന്നായിരുന്നു സ്ഥലം എംഎൽഎ കൂടിയായ സംസ്ഥാന ആരോഗ്യ, ശിശുക്ഷേമ വകുപ്പ് മന്ത്രിയായ നിങ്ങളുടെ അന്നത്തെ വാദം. ഓരോ അമ്മമാരുടെയും മനസിനെ വേദനിപ്പിച്ച സംഭവത്തെ നിങ്ങൾ എത്ര നിസ്സാരമായാണ് വിലയിരുത്തിയത്.പി.ആർ മേളങ്ങളിൽ മയങ്ങിയ നിങ്ങളുടെ ചെവിയിൽ നാലാം ക്ലാസ്സിൽ പഠിക്കുന്ന ഒരു കുഞ്ഞിന്റെ കരച്ചിൽ എത്തിയിട്ടില്ലെങ്കിൽ മക്കളെ മാറോട് ചേർത്ത് പിടിക്കുന്ന അമ്മ മനസിന്റെ സ്നേഹം പോയിട്ട് കുഞ്ഞങ്ങളുടെ സംരക്ഷകരാകേണ്ട ശിശുക്ഷേമ വകുപ്പ് മന്ത്രി എന്ന ഗൗരവമായ ഉത്തരവാദിത്വ ബോധം പോലും താങ്കളിൽ കാണുന്നില്ല..താങ്കളെയോർത്ത് ലജ്ജിച്ചു തലതാഴ്ത്തുന്നു ഓരോ അമ്മമാരും... ഓരോ സ്ത്രീകളും.Tara Tojo Alex
ആദരാഞ്ജലികൾ അനൂപേട്ട പ്രിയ സുഹൃത്തും അനുഗ്രഹീത ഗായകനുമായ "അനൂപ് ഫറോക്ക് " ഈശ്വരനിലേക്ക് യാത്രയായി... വിരഹം വളരെ വലുതാണ്... നെഞ്ചുരുകിയ പ്രണാമം... പാട്ടിന്റെ ആസ്വാദകനായി അദ്ദേഹത്തെ കേട്ടുതുടങ്ങിയ ഉത്സവപ്പറമ്പുകളിൽ തുടങ്ങിയ ഇഷ്ടം പിന്നീട് പാട്ടിന്റെ പാതയിൽ വന്ന് ഇന്നോളം നിറഞ്ഞ ബഹുമാനസ്നേഹത്തോടെ ഹൃദയത്തിൽ സൂക്ഷിക്കുന്നുണ്ട്... അസുഖം ബാധിച്ചു ആശുപത്രിയിൽ പോകുംമുമ്പുവരെ ഒരുമിച്ച് വേദിപങ്കിടാൻ എനിക്കും ഭാഗ്യമുണ്ടായിട്ടുണ്ട്... ആശുപത്രിയിൽനിന്ന് മടങ്ങി വീട്ടിലെത്തിയശേഷം ഇക്കഴിഞ്ഞ നോമ്പിനു സുഹൃത്തുക്കളോടൊപ്പം ഒരുരാത്രി ഏറെനേരം അദ്ദേഹത്തിനരികിൽ ചിലവിട്ടതും വല്ലാത്തൊരു മരിക്കാത്ത ഓർമ്മയാണ്.... ആരാധനകൊണ്ട് ഞങ്ങളുടെ ഒരുവിധം ഗാനമേളകളിലും എനിക്ക് കൊണ്ടുപോകാൻ സാധിച്ച ചാനൽ പ്രോഗ്രാമുകളിലുമെല്ലാം അനൂപേട്ടനെ ഉൾപെടുത്താൻ കഴിഞ്ഞത്മാത്രമാണ് പകരം നൽകാൻ കഴിഞ്ഞിട്ടുള്ളൂ... അദ്ദേഹത്തിന്റെ ആത്മ ശാന്തിക്കും കുടുംബത്തിന്റെ സമാധാനത്തിനും പ്രാർത്ഥിക്കുവാൻ അപേക്ഷിക്കുന്നു. വേർപാടിന്റെ വേദനയോടെ ഷാഫികൊല്ലം.
