🍁🍁🍁🍁🍁🍁🍁🍁"ഞാൻ ഈ മതത്തെ ഇഷ്ടപ്പെടുന്നു, പക്ഷെ ഈ അഞ്ചു നേരത്തെ നിസ്ക്കാരം,അതെനിക്കാവില്ല"🍁🍁🍁🍁🍁🍁🍁🍁മഹാനായ ഹബീബ് അഹ്മദ് മശ്ഹൂർ ത്വാഹ അൽ ഹദ്ദാദ് തങ്ങൾ ആഫ്രിക്കയിലെ തന്റെ പ്രബോധനകാലത്ത് ഒരു ഗ്രാമത്തിൽ ചെന്ന് അവിടത്തെ ഗോത്രത്തലവനോട് സത്യദീൻ പരിചയപ്പെടുത്തി. അദ്ദേഹം പറഞ്ഞു :"ഞാൻ ഈ മതത്തെ ഇഷ്ടപ്പെടുന്നു, പക്ഷെ ഈ അഞ്ചു നേരത്തെ നിസ്ക്കാരം,അതെനിക്കാവില്ല". ഹബീബ് അത് സമ്മതിച്ച് അദ്ദേഹത്തിന് സത്യസാക്ഷ്യം ചൊല്ലിക്കൊടുത്തു.അദ്ദേഹം അത് ഏറ്റുചൊല്ലി സത്യദീൻ പുൽകി. പിന്നീടൊരു പെരുന്നാൾ ദിനത്തിൽ അദ്ദേഹത്തെ കണ്ടപ്പോൾ തങ്ങൾ അദ്ദേഹത്തോട് പറഞ്ഞു :" പെരുന്നാളിന്റെ ഒരു ചെറിയ രണ്ട് റക്അത്ത് നിസ്ക്കാരമുണ്ട്, അത് കഴിഞ്ഞാൽ നമുക്ക് ഭക്ഷണവും വിനോദവുമെല്ലാമായി ഈ പെരുന്നാൾ ദിനം മുഴുവനും ആഘോഷിക്കാം". അദ്ദേഹം അത്‌ സമ്മതിച്ചു. പിന്നീടൊരു ദിവസം ഹബീബ് അദ്ദേഹത്തെ ജുമുഅഃ നിർവഹിക്കാൻ വേണ്ടി ക്ഷണിച്ചു. "നിങ്ങൾ വരൂ, ഇതും പെരുന്നാൾ പോലെ വെറും 2 റക്അത്ത് ഉള്ള ഒരു നിസ്ക്കാരമാണ്, നിങ്ങൾക്ക് മുഷിപ്പ് തോന്നില്ല".അദ്ദേഹം ആ ജുമുഅഃ നന്നായി ആസ്വദിച്ചു.അങ്ങനെ ആഴ്ച്ച തോറുമുള്ള ജുമുഅഃ നിസ്ക്കാരങ്ങൾ അദ്ദേഹം മുടങ്ങാതെ ശ്രദ്ധിച്ചു തുടങ്ങി. അങ്ങനെയിരിക്കെ ഹബീബ് അദ്ദേഹത്തെ മഗ്‌രിബ് നിസ്ക്കാ രത്തിനും ക്ഷണിച്ചു. മഗ്രിബിൽ പെരുന്നാൾ നിസ്ക്കാരത്തിലും ജുമുഅഃയിലും ഉള്ളതിനേക്കാൾ ഒരു റക്അത്തേ കൂടുതൽ ഉളളൂ എന്ന് ഹബീബ്‌ പറഞ്ഞപ്പോൾ അതും അദ്ദേഹം മടികൂടാതെ നിർവഹിച്ചു.അത്ഭുതമെന്ന് പറയട്ടെ, ഏതാനും മാസങ്ങൾക്കുള്ളിൽ ആ ഗോത്രത്തലവൻ ഗ്രാമത്തിലെ പള്ളിയിലെ അഞ്ചു നേര ജമാഅത്തുകളിലെ ഒരു നിത്യസാന്നിധ്യമായി മാറി!!!. ഹബീബിന്റെ ബുദ്ധിവൈഭവം നിങ്ങൾ കണ്ടുവോ, ഹബീബിന്റെ ഈ ബുദ്ധിയും സാമർഥ്യവുമാണ് ആഫ്രിക്കയിൽ മൂന്ന് ലക്ഷം ആളുകളെ സത്യദീനിലേക്കെത്തിച്ചത്.ഇതായിരുന്നത്രേ മുത്ത് നബി കാണിച്ചു തന്ന പാത...---------------------------------------ദീൻ ആരുടെമേലും അടിച്ചേല്പിക്കാനുള്ളതല്ല.ജുമുഅഃയും പെരുന്നാളും മാത്രം നിസ്ക്കരിക്കുന്ന നമ്മുടെ സഹോദരനെ അതെങ്കിലും നിർവഹിക്കാൻ അനുവദിക്കണം. അവരെ കപടന്മാരും അവരുടെ കർമ്മങ്ങളെ ചെറുതായും കാണരുത്.റമളാനിൽ നേടിയ വിശുദ്ധി ശവ്വാൽ ഒന്നിന് അവർ കളഞ്ഞുകുളിച്ചെങ്കിൽ അവരെ ശാസിക്കാതെ നമ്മോട് ചേർത്തുപിടിച്ചുനോക്കൂ. നമുക്ക് അത്ഭുതങ്ങൾ കാണാം.എല്ലാവരും നമ്മെക്കാൾ നന്നാവണം എന്ന ചിന്ത മനസ്സുള്ളിൽ നിറയട്ടെ.മലക്കുകളുടെ ഉസ്താദായി ജീവിച്ച ഇബ്ലീസ് അധഃപതിക്കാനുണ്ടായ കാരണം ഒരു മനുഷ്യനെ പറ്റിയുള്ള സ്വയംവിധിയും മുൻധാരണയുമായിരുന്നു. ആരെയും മുൻവിധിയോടെ കാണാതിരിക്കുക, എങ്കിൽ നമ്മൾ വിജയികളാണ്... 💚💚💚COPY PASTE