Posts
രണ്ടാഴ്ച മുൻപു ഷൂട്ടിങ് നിർത്തിയതോടെ വീട്ടിലേക്കു മടങ്ങി. ഇത് ആരും നിർബന്ധിച്ചു തരുന്ന തടവല്ല. നമ്മളെ ആരും പിടിച്ചുകെട്ടി ഇടുന്നില്ല. എല്ലാവരും സ്വതന്ത്ര പക്ഷികൾതന്നെയാണ്. നമ്മുടെ നിയമങ്ങൾ നാം തന്നെയാണ് ഈ സമയത്തു തീരുമാനിക്കുന്നത്. ഇത് അകത്തിരിക്കേണ്ട കാലമാണ്. പ്രത്യേകിച്ചും, പൊതുസ്ഥലത്തു നാം എത്താതെ നോക്കേണ്ട കാലം. പുറത്തു പലയിടത്തായി കാത്തുനിൽക്കുന്ന വൈറസിനെ നാം നമ്മുടെ ദേഹത്തേക്കു പടരാൻ അനുവദിക്കാതെ, പുറത്തുനിർത്തി കൊല്ലുന്നു എന്നു കരുതിയാൽ മതി.ഇതു ചെയ്യുന്നതു നമുക്കു വേണ്ടി മാത്രമല്ലല്ലോ. നമുക്കു ചുറ്റുമൊരു സമൂഹമുണ്ട്. അതിന്റെ രക്ഷ നമ്മുടെ കൂടി രക്ഷയാണ്. അതിനുവേണ്ടി പുറത്തിറങ്ങരുതെന്നു വിദഗ്ധർ പറയുമ്പോൾ നാം അനുസരിക്കണം. അവർ ഇതെക്കുറിച്ചു പഠിച്ചവരാണ്. അവരുടെ നിർദേശപ്രകാരം നമ്മളോട് ഇതു പറയുന്നതു നമ്മുടെ സർക്കാരുകളാണ്. പല കാര്യങ്ങളെക്കുറിച്ചും നമുക്ക് വ്യത്യസ്ത അഭിപ്രായമുണ്ടാകും. എന്നാൽ, അതു പറയുന്നതിനു കാലവും സമയവുമുണ്ട്.രോഗമുണ്ടെന്നു സംശയിക്കുന്നവരോടും രോഗികളോടും നിർബന്ധപൂർവം അകത്തിരിക്കാൻ പറയുമ്പോൾ അവർ പുറത്തിറങ്ങുന്നതു സഹിക്കാവുന്ന കാര്യമല്ല. അവരിലൂടെ എത്രയോ പേരിലേക്ക് അസുഖമെത്താനുള്ള വാതിലാണു തുറക്കുന്നത്. ഇതു ചെയ്യുന്നവർക്കൊന്നും പറ്റില്ലായിരിക്കും. പക്ഷേ, അവരുടെ സാന്നിധ്യത്തിലൂടെ പലർക്കും ജീവൻതന്നെ നഷ്ടമായേക്കാം. അകത്തിരിക്കേണ്ടവർ പുറത്തുപോകുമ്പോൾ വഴി തുറക്കുന്നതു മഹാമാരിയിലേക്കു തന്നെയാണ്.വീട്ടിനകത്തിരിക്കുക എന്നത് അസ്വസ്ഥത തന്നെയാണ്. പക്ഷേ, അതൊരു കരുതലായി കാണണമെന്നു തോന്നുന്നു. ഇതു കടന്നുപോയ കാലത്തെക്കുറിച്ചും വരുന്ന കാലത്തെക്കുറിച്ചും ആലോചിക്കാനുള്ള സമയമാണ്. അനാവശ്യമായി ഒന്നും വാങ്ങിക്കൂട്ടേണ്ടതില്ല. നാം വാങ്ങിക്കൂട്ടുമ്പോൾ മറ്റു പലർക്കുമത് ഇല്ലാതാകും. സത്യത്തിൽ അതവരുടെ ഭക്ഷണം തട്ടിയെടുക്കുന്നതിനു തുല്യമാണ്. വേണ്ടതു മാത്രം കരുതിവയ്ക്കുക. നാം പാചകം ചെയ്യുന്ന ഭക്ഷണത്തിലും കരുതൽ വേണം. ആവശ്യത്തിനു മാത്രം ഉണ്ടാക്കുക. ഭക്ഷണം കളയാതിരിക്കുക. ഭക്ഷണമെന്നത് ആർഭാടമല്ല, അത്യാവശ്യമാണെന്നു വീണ്ടും വീണ്ടും ഈ ദിവസങ്ങൾ നമ്മെ ഓർമിപ്പിക്കുകയാണ്.ദിവസക്കൂലികൊണ്ടു മാത്രം ജീവിക്കുന്ന ഒരുപാടുപേരുണ്ട്. അവർക്കു കരുതിവയ്ക്കുന്നതിൽ പരിമിതിയുണ്ട്. ഓരോരുത്തരും അവരുടെ വീടിനടുത്തുള്ള അല്ലെങ്കിൽ, പരിചയമുള്ള മനുഷ്യരെക്കുറിച്ച് ആലോചിക്കണം. അവർ കരുതിവച്ചിട്ടുണ്ടോ എന്ന് അന്വേഷിക്കണം. ഇല്ലെങ്കിൽ നമ്മുടെ കരുതൽ അവർക്കുകൂടിയാകണം. റേഷനടക്കമുള്ള കാര്യങ്ങൾ സർക്കാർ നൽകുന്നുണ്ട്. അതിൽ കൂടുതൽ അവർക്ക് എന്തൊക്കെ വേണമെന്നു നോക്കാൻ സർക്കാർ സംവിധാനം ഉണ്ടാകണം. അതുകൊണ്ടു തികയണമെന്നില്ല. സമൂഹം മൊത്തമായി കരുതലെടുത്താൽ എല്ലാവർക്കും മനഃസമാധാനത്തോടെ വീട്ടിലിരിക്കാനാകും.ഫോൺ, ടിവി ചാനലുകൾ, ഇന്റർനെറ്റ് തുടങ്ങിയ പല മാർഗങ്ങളും നമ്മുടെ മുന്നിലുണ്ട്. ഇവയെല്ലാം ഫലപ്രദമായി ഉപയോഗിച്ച് നമ്മുടെ വിട്ടുപോയ ബന്ധങ്ങൾ ശക്തിപ്പെടുത്താനുള്ള സമയം കൂടിയാണിതെന്നു തോന്നുന്നു. ലോകത്തെ കൂടുതൽ അറിയാനുള്ള സമയം.ഇതെല്ലാം ചെയ്യുമ്പോഴും അകത്തിരിക്കുമ്പോഴും എനിക്ക് പുറത്തു നിൽക്കേണ്ടി വരുന്നവരെ ഓർക്കാതിരിക്കാനാവില്ല; നമ്മുടെ ആരോഗ്യപ്രവർത്തകരെ. അവരെ ലോകം മുഴുവൻ അഭിനന്ദിക്കുന്ന കാഴ്ചകൾ നാം കാണുന്നില്ലേ. അത് അഭിനന്ദനം മാത്രമല്ല, അവർക്കുള്ള പ്രാർഥനകൂടിയാണ്.മുൻപൊരിക്കലും ഇതുപോലെ അടച്ചിരിക്കേണ്ട അവസ്ഥ ഉണ്ടായിട്ടില്ല, ഇനി ഉണ്ടാവുകയുമരുത്. വീട്ടിലിരുന്ന ദിവസങ്ങളൊന്നും എന്നെ മടുപ്പിച്ചിട്ടില്ല. ഇതു ഞാൻ ചെയ്യേണ്ട കടമ മാത്രമാണ്. ലോകത്തിന്റെ ഒരു കോണിലേക്കും ഓടി രക്ഷപ്പെടാനാകില്ലെന്ന് ഓർക്കണം. അവിടെയെല്ലാം വൈറസ് നമ്മെ കാത്തുനിൽക്കുന്നു. നമുക്കു രക്ഷ നമ്മുടെ വീടു മാത്രമാണ്. അതികനത്തേക്കു പോകാനാണ്, അവിടെ തുടരാനാണു സർക്കാരുകൾ പറയുന്നത്. നാം അച്ചടക്കവും ആത്മനിയന്ത്രണവും പാലിച്ചെങ്കിൽ മാത്രമേ, ഈ മഹാമാരിയിൽനിന്നു രക്ഷപ്പെടാനാകൂ
മലയാളി ഇനിയും കൊറോണ എന്തെന്ന് മനസ്സിലാക്കിയിട്ടില്ല എന്നതിന് തെളിവാണ് ബാറിന് മുന്നിലെ ക്യൂ.. മൂട്ടിൽ തീ പിടിച്ചിട്ടും മദ്യപാനം ഒഴിവാക്കാനൊന്നും അവർ തയ്യാറല്ല... അവരെ അവരുടെ വഴിക്ക് വിട്ടേക്കുക..കൊറോണ പകർച്ചയുടെ ഏറ്റവും അപകടകരമായ ഘട്ടഘത്തിലേക്ക് ആണ് ലോകം നീങ്ങുന്നത്.. അതായത് ഒരു പ്രദേശത്തുള്ളവരിൽ തന്നെ തമ്മിൽ തമ്മിൽ വൈറസ് പടരുന്നത്..തിരിച്ചറിയുമ്പോഴേക്കും നൂറും ആയിരവുമൊക്കെ കഴിഞ്ഞിട്ടുണ്ടാകും. ഓർക്കുക സർക്കാരിന് എല്ലാരുടെയും റൂട്ട് മാപ്പ് പ്രസിദ്ധീകരിക്കാൻ സാധ്യമല്ല.. ഒന്നും രണ്ടുമൊക്കെ ആകുമ്പോ കഴിയും എന്നാൽ കയ്യിൽ നിന്ന് നിയന്ത്രണം പോയാൽ അതിനൊന്നും കഴിഞ്ഞെന്ന് വരില്ല. അവനവൻ തന്നെ സൂക്ഷിക്കുക മറ്റുള്ളവർക്ക് പടരുന്നതിൽ കാരണമാകാതെ സ്വയം ഒഴിഞ്ഞ് പോകുക.അസുഖം വരുന്നത് വരെയേ പേടി ഉണ്ടാകൂ വന്ന് കഴിഞ്ഞാൽ പിന്നെ പേടിക്കേണ്ട ആവശ്യമില്ല.. അതോണ്ട് തന്നെ ഭയമല്ല ശ്രദ്ധയും ബോധവും വൃത്തിയുമൊക്കെയാണ് നമുക്ക് വേണ്ടത്.. കൊറോണയുടെ കാര്യത്തിൽ അലസത കാണിച്ച ഇറ്റലിയും ഇറാനും നമുക്ക് മുന്നിൽ ഉദാഹരണങ്ങൾ ആണ്.. ഇന്ന് അവരുടെ കയ്യിൽ പോലും കാര്യങ്ങൾ നിൽക്കുന്നില്ല.. മരിക്കുന്നവർ മരിക്കട്ടെ എന്നുള്ള നിലയിലേക്ക് അവരും നീങ്ങി കഴിഞ്ഞു...വികസിത രാഷ്ട്രങ്ങൾ പോലും വിറക്കുകയാണ് എന്ത് ചെയ്യണം എന്ന് അറിയാതെ.. നമ്മൾ ഇവിടെ രാഷ്ട്രീയ മുതലെടുപ്പുകൾ നടത്തിയും മൂത്രം കുടിച്ചും ഗോ കൊറോണ വിളിച്ചും വൈറസിനെ തുരത്തുന്നു. അറിയാത്ത പിള്ള ചൊറിയുമ്പോ അറിയും.
⛔️പോകണോ എന്ന് സംശയമുള്ള ഒരു യാത്രക്കും പോവാതിരിക്കുക ⛔️⛔️പങ്കെടുക്കണോ എന്ന് സംശയമുള്ള ഒരു ചടങ്ങിനും പങ്കെടുക്കാതിരിക്കുക⛔️⛔️ഒഴിവാക്കാൻ പറ്റുമോ എന്ന് സംശയമുള്ള എല്ലാ ആൾക്കൂട്ടങ്ങളും ഒഴിവാക്കുക⛔️❇️ഇതൊക്കെ കാര്യമാക്കണോ എന്ന് സംശയമുള്ള എല്ലാ നിർദേശങ്ങളും കാര്യമാക്കുക ✳️ആരോഗ്യമന്ത്രാലയം നൽകുന്ന മുന്നറിയിപ്പുകളും നിർദേശങ്ങളും അനുസരിക്കാം✳️#Break_the_Chain#Fight_Covid_19#Hand_Hygiene
കൊറോണ പൊട്ടി പുറപ്പെട്ട ചൈനയിൽ രോഗികൾ ആശുപത്രി വിട്ട് പഴയ ജീവിതത്തിലേക്ക് മടങ്ങി തുടങ്ങി. റിപ്പോർട്ട് ചെയ്യുന്ന പുതിയ കേസുകൾ വിരലിൽ എണ്ണവുന്നവ.. സാങ്കേതിക വിദ്യ എല്ലാം ഉപയോഗിച്ചു കൊണ്ട് അവർ കൊറോണക്ക് എതിരെ പൊരുതുന്നു. ഡ്രോണ് ഉപയോഗിച്ചു വരെ അവർ അണുനാശിനി സ്പ്രേ ചെയ്തു.നിയമങ്ങൾ ജനങ്ങൾ കർശനമായി തന്നെ പാലിക്കുന്നു..ആദ്യം പകച്ചു നിന്ന അവർ റോക്കറ്റ് സ്പീഡിൽ തിരിച്ചടി തുടങ്ങി...ഇന്ന് സ്വന്തം കാര്യം നോക്കിയ ശേഷം ടണ് കണക്കിന് മരുന്നും ആവശ്യവസ്തുക്കളുമായി ഒരു മെഡിക്കൽ ടീമിനെ ഇറ്റലിയിലേക്ക് അയക്കുകയും ചെയ്തു.ഗൾഫ് രാജ്യങ്ങളിൽ മാളുകൾ ആരാധനാലയങ്ങൾ സ്‌കൂളുകൾ പബ്ലിക്ക് ട്രാൻസ്പോർട് എല്ലാം അടച്ചു.ഹോട്ടലുകളിൽ ഇരുന്നു കഴിക്കാൻ പാടില്ല പാഴ്‌സലുകൾ മാത്രമാക്കി ചുരുക്കി..അസുഖത്തെ പിടിച്ചടക്കി വരുതിയിലാക്കാൻ അവർ പരിശ്രമിക്കുന്നു..നിയമം ലംഘിക്കുന്നവർക്ക് വലിയ പിഴകൾ ചുമത്തുമെന്ന് പറയുന്നു..നമ്മുടെ നാട്ടിൽ ആളുകൾ ദുരന്തവും ആഘോഷിക്കുന്നു.. പ്രളയത്തിൽ നശിച്ച സ്ഥലം കാണാൻ ഫാമിലി ആയിട്ട് ടൂർ പോകുന്ന മലയാളിക്ക് കൊറോണയും ആഘോഷിക്കാൻ ഉള്ള കാരണമായി എന്ന് തോന്നുന്നു.. എത്രയൊക്കെ ആരോഗ്യ വകുപ്പ് വായിട്ടലച്ചിട്ടും അത് മറ്റാർക്കോ എന്നുള്ള രീതിയിൽ ചിന്തിച്ച് അവനവന്റെ സ്വൈര്യ വിഹാരവുമായി മുന്നോട്ട് പോകുന്നു എന്നതിന് തെളിവാണ് എയർപോർട്ടിൽ കൂടിയ ആൾക്കൂട്ടം.അവനവൻ സ്വയം ചിന്തിച്ച് പിന്മാറി നിൽക്കാതെ മറ്റുള്ളവർ ചെയ്തോളും നമുക്ക് വേണ്ടി എന്ന് ചിന്തിക്കുന്നിടത്തോളം കൊറോണയെ അല്ല ഒരു കൊതുകിനെപ്പോലും വരുതിയിൽ നിർത്താൻ കഴിയില്ല.. മലയാളിക്ക് കൊറോണയെ ഇനിയും മനസ്സിലായില്ല എന്ന് തോന്നുന്നു..
❝നമ്മൾ എല്ലാവർക്കുംസങ്കീർണ്ണമായ ദിവസങ്ങളിലൂടെയാണ് നമ്മൾ കടന്നുപോകുന്നത്.ഇപ്പോൾ സംഭവിച്ചുകൊണ്ടിരിക്കുന്നവൈറസ്ആക്രമണത്തിൽ നമ്മൾഎല്ലാവരും ആശങ്കാകുലരാണ്,നമ്മൾ ജാഗ്രത പാലിച്ചില്ലെങ്കിൽനമ്മുടെ കുടുംബത്തിനോസുഹൃത്തുക്കൾക്കോതന്നെയാണ്നമ്മൾ നേരിട്ട് വൈറസ്പകർത്തുന്നത്.ആരോഗ്യം നമുക്ക് എല്ലാവർക്കുംഎപ്പോഴും ഒന്നാമതായിരിക്കണം.ഇത് അസാധാരണമായ ഒരുനിമിഷമാണ്,ആരോഗ്യസംഘടനകളുടെയും പൊതു അധികാരികളുടെയും നിർദ്ദേശങ്ങൾ നമ്മൾപാലിക്കണം. ഈ രീതിയിൽ മാത്രമേനമുക്ക് അതിനെ ഫലപ്രദമായിനേരിടാൻ കഴിയൂ.നമ്മൾ വീട്ടിൽ തന്നെ തുടരുന്നത്നമ്മുടെ ഉത്തരവാദിത്തമായിഎടുക്കണം കുടുംബത്തെയുംനമ്മോടൊപ്പം നിർത്തണം.എത്രെയും വേഗത്തിൽ നമുക്ക്ഈ സാഹചര്യം മാറ്റാൻകഴിയട്ടെ നമ്മൾ ഓരോരുത്തരുംനമ്മെ നിയന്ത്രിക്കുക ഒന്നായിനേരിടാം❞ ~ 🗣ലിയോണൽ മെസ്സി
