കർഷകർ പൊലീസുമായി ഏറ്റുമുട്ടുന്നതിൽ പ്രതിഷേധിച്ച് ഇന്ത്യ ന്യൂഡൽഹിക്ക് ചുറ്റും ഇന്റർനെറ്റ് വെട്ടിക്കുറച്ചു എന്ന വാർത്ത പങ്കുവെച്ചു കൊണ്ട് റോബിൻ റിഹാന ഫെന്റി ഇങ്ങനെ ട്വീറ്റ് ചെയ്തു. “എന്തു കൊണ്ടാണ് നിങ്ങൾ ഇതിനെ ക്കുറിച്ച് സംസാരിക്കാത്തത്? #FarmersProtest.റിഹാനയുടെ ഈ ട്വീറ്റ്‌ വളരെ ചുരുങ്ങിയ സമയം കൊണ്ട് 1226300 ഉപയോക്താക്കൾ റീട്വീറ്റ് ചെയ്യുകയും 1490300 ഉപയോക്താക്കൾ ലൈക് ചെയ്യുകയും ചെയ്തു.ആരാണ് റോബിൻ റിഹാന ഫെന്റി.? 32 കാരിയായ റിഹാന ബാർബഡോസ്കാരിയായ ഗായികയും നടിയുമാണ്. പക്ഷേ ചില്ലറക്കാരിയല്ല. 9 ഗ്രാമി അവാർഡുകൾ,13 അമേരിക്കൻ സംഗീത അവാർഡുകൾ, 8 പീപ്പിൾസ് ചോയ്സ് അവാർഡുകൾ,12 ബിൽബോർഡ് സംഗീത അവാർഡുകൾ, 6 ഗിന്നസ് ലോക റെക്കോർഡുകൾ, 2012 ലും 2014 ലും ഫോർബ്സ് മാഗസിന്റെ ലിസ്റ്റ് പ്രകാരം ലോകത്തിലെ ഏറ്റവും കൂടുതൽ പ്രതിഫലം വാങ്ങുന്ന 10 സെലിബ്രിറ്റികളിൽ ഒരാൾ .2019 ലെ കണക്കനുസരിച്ച് 600 മില്യൺ ഡോളർ ആസ്തിയുള്ള അതിസമ്പന്ന വനിതാ സംഗീതജ്ഞ. 2012 ലും 2018 ലും ലോകത്തെ ഏറ്റവും സ്വാധീനിച്ച 100 പേരിൽ ഒരാളായി ടൈം മാഗസിൻ തിരഞ്ഞെടുത്ത വ്യക്തി. എക്കാലത്തെയും മികച്ച വിൽപ്പനയുള്ള സംഗീത കലാകാരന്മാരിൽ ഒരാൾ.അമേരിക്കയിൽ ഏറ്റവുമധികം വിറ്റഴിക്കപ്പെടുന്ന പത്താമത്തെ സിംഗിൾസ് ആർട്ടിസ്റ്റ്, അമേരിക്കയിൽ മഡോണയ്ക്ക് പിന്നിൽ ഏറ്റവുമധികം വിറ്റഴിക്കപ്പെടുന്ന രണ്ടാമത്തെ വനിതാ സിംഗിൾസ് ആർട്ടിസ്റ്റ്, യുകെയിൽ എക്കാലത്തെയും ഏറ്റവും കൂടുതൽ വിറ്റഴിക്കപ്പെടുന്ന സിംഗിൾസിൽ ബീറ്റിൽസിന് പിന്നിൽ മാത്രം രണ്ടാമത്,സൗന്ദര്യവർദ്ധക കമ്പനി ഫെന്റി ബ്യൂട്ടി യുടെ സ്ഥാപക. ടൈം മാഗസിൻ "2017 ലെ 25 മികച്ച കണ്ടുപിടുത്തങ്ങളിൽ" ഒന്നായി ഫെന്റി ബ്യൂട്ടിയെ നാമകരണം ചെയ്തു. കർഷക പ്രക്ഷോഭത്തോട് ഐക്യദാർഢ്യം പ്രഖ്യാപിക്കുന്നവർക്കു അഭിവാദ്യങ്ങൾ.